Կաթնաշոռով կեքս

Բոլորն էլ գիտեն, թե ինչ օգտակար ա կաթնաշոռը և այլն, և այլն… Էդ թեմայով ռեֆերատ մեկ էլ չեմ գրի ;) Ուղղակի ասեմ, որ էս կեքսի բաղադրատոմսն ինձ շատ անգամներ ա փրկել, երբ պետք ա եղել արագ ու պարզ մի բան թխել կամ վերացնել սառնարանում մնացած կաթնաշոռը, որը ոչ ոք չէր ուզում ուտել :) Հուսով եմ` ձեզ էլ այն դուր կգա իր պարզությամբ ու դասական համով:

Կեքսի համար պետք ա 200 գրամ շաքարավազ, 200 գրամ ալյուր, 200 գրամ կաթնաշոռ, 200 գրամ կարագ: Ցանկության դեպքում կարագը կարելի ա փոխարինել 3/4 բաժակ /բաժակը 200 գրամանոց ա/ ձեթով: Մեզ պետք կգա նաև 3 ձու, 1 թեյի գդալ սոդա, վանիլ, չամիչ կամ ընկույզ` ըստ ցանկության:

Ձուն հարում ենք շաքարավազի հետ, ավելացնում կաթնաշոռն ու կարագը: Խառնելուց հետո վրան լցնում ենք ալյուրը, սոդան, վանիլն ու չամիչ-ընկույզը: Մի անգամ էլ խառնում ենք խմորը, լցնում ձեթոտած ամանի մեջ ու դնում նախօրոք 180-ի վրա միացրած /միայն ներքևի տենը/ ջեռոցը:

Կեքսը պատրաստ կլինի մոտ 45 րոպեից:
Եթե քունջիթ սիրում եք, ապա թխելուց առաջ այն շաղ տվեք կեքսի վրա:

Հա, մի բան էլ: Էս կեքսը լավ թխվում ա նաև ձևավոր ամաններում ու շատ հեշտ դուրս ա գալիս դրանց միջից :) 

Եթե հավանեցիք բաղադրատոմսը, հետևեք իմ էջին նաև Facebook-ում :)